ژ سالۆخەتێن راوێژکار/چارەسەرکارێ دەروونی یێ باش ئەوە نیاسینەکا باش لدەستپێکێ بخۆ و دەروونێ خۆ هەبیت، چۆنکە لدەمێ مە تێگەهشتنەکا باش بۆ دەروونێ خۆ هەبیت، دێ مە تێگەهشتنەکا باش بۆ دەروونێن داخازکەرێن هاریکاریێ ژی هەبن، و ژ زارۆکینییا خۆ من ئەڤ حەزە لدەڤ خۆ دیتییە کو هەرگاڤ هاریکارییا خەلکی بکەم، و ئاستێ رەوشەنبیرییا دەروونی بلند بکەم و روون بکەم ژ بۆ هندێ دا زەحمەتیێن دەروونی ئاشکەرا بن، و دیار بیت کو وەک هەر نەخۆشییەکا دی چارەسەرییا خۆ یا هەی. کار کرنا من وەک راوێژکار/چارەسەرکارێ دەروونی هەر ژ ٢٠١١ و چارەسەرکرنا پتر ژ ١٤،٠٠٠ نەخۆشان، کارتێکرن لسەر من بخۆ هەبوویە، دیتنا رێکێن چارەسەریێ یێن کاریگەر، سەرەدەرییەکا باش دگەل ئاریشە و ئاستەنگێن ژیانێ، پتر تێگەهشتنا دەروونێ خۆ، و پێشئێخستنا دەروونێ کەسێن داخازا هاریکاریێ دکەن ئەز پتر گەشبین کرم، هەروەسا پتر باوەرم کو چارەسەرییا دەروونی پتر فشارا دەروونی لسەر مرۆڤان کێم دکەت بکارئینانا رێک و تەکنیکێن پێشکەفتی، چونکە لدەمێ هاریکارییا کەسەکی دکەین، ئەو کەسە ژی دێ بیتە رێکەک کو یێن دی ژی مفایی ژ سەربۆرا وی وەرگرن. پەیوەندیێن من دگەل ئەو کەسێن ئەز چارەسەر دکەم، هەردەم دزانستی و ب چارەسەریێڤە دگرێدایی بوون، دگەل رێزگرتنەکا زۆر بۆ ئایین، نەتەوە، کەلتۆر، نهێنی و بابەتێن د چارەسەرییا دەروونیڤە دهێنە گۆتن. نڤێسینا پەرتووکێن دەروونی، بەڵاڤکرنا هۆشیاریێ لسەر کارتێکرنێن دەروونی، بشیوێن باشتر و برێکێن بهێزتر، پێشکەفتیتر و جیهانی هاریکاریکرنا هەر کەسێ داخازا هاریکاریێ بکەت؛ ئارمانجێن منن دا کو پتر بشێم هاریکارییا کەسان بکەم لسەر روویدانێن ژیانا خۆ یێن سەخت و دژوار بسەرکەڤن.