هەر ژ سالا ٢٠٠٤ تا نوكە من وەک چارەسەرکارێ دەروونی کار كریە دبوارێن ئالۆدەبوون (ئيدمان)، راستڤەكرنا رەفتاران، ئۆتيزم، ... هتد. و بوویمە ئێک ژ ئەگەران کو پتر ژ ١٦،٠٠٠ داخازکەرێن هاریکاریێ ژ تەمەنێن جییاواز چارەسەربووینە ل دام و دەزگەهێن جودا جودا. بوونا من وەک ژیدەرەکێ هاریکار بۆ هندەک کەسا، کۆ هەستدکرن دکۆمەلگەهێدا هاتینە ڤەقەتاند و دوورپێچکرن، بۆ من وەک تاکە کەس بخۆ دزڤریت ژبەر کو حەزکرنا من بخۆ بوو؛ چۆنکە من چارەسەرییا دەروونی وەک ئەرکەکێ مرۆڤایەتیی دیت، من حەز کر هاریکاریا وان بکەم دا کو لسەر هەستێن خۆ زاڵ ببن و چارەسەرییا پێتڤی وەرگرن. چپێنەڤێت رێک و تەکنیکێن چارەسەریا دەروونی ئەوێن من بکارئیناین سەرکەفتن ئینا چۆنکە پەیوەندییا من یا مۆکم بوو دگەل داخازکەرێن هاریکاریێ، ژبەر کو پەیوەندیێن مە یێن جارەسەریێ لسەر بنەمایێن باوەریێ، پاراستنا نەهێنییان لدویڤ رێنمایان، پێگرییان وان ب بنەمایێن چارەسەریێ، و پێگرییا من بخۆ ب پەیداکرنا رێکێن گۆنجایی لدویڤ پێدڤیێن داخازکەرێن هاریکاریێ بوو. هەر کەسەک من هاریکاری و پالپشتیا دەروونی بۆ تەرخانکربیت سەربورەکا بمفا بوو بۆ من کو ئەز پتر پێشئێخستم، تایبەت سەربورێن من دگەل ئۆتیزمێ، چۆنکە تا نۆکە هەر بەردەوامم هزر د رێکێن نوویتر و باشتر بکەم بۆ چارەسەرکرنا کەسێن ئۆتیزم هەین کو دگەل دورهێلا مە بگۆنجیت و بیتە پاڵدەرەک بۆ چارەسەرکارێن دی ژی لسەر ڤی ئاستێ بەرز بچن. پتر تەرخانکرنا هاریکاریێ و چارەسەریێ دگەل بکارئینانا رێکیێن چارەسەریێ نووی و ئاست بەرز، بوونا من وەک کەسەکێ مفادار و پالپشت، و ئاڤاکرنا پرۆگرامێن سەرکەفتی کو بتێکچوونێن دەروونی گرێدایی بیت، بتایبەتی ئۆتیزم، کو چارەسەرییا وان لسەر وان، خێزانێن وان، و چارەسەرکارێن وان بساناهیتر لێ بکەت، ئارمانجێن منن کو بەردەوام لسەر کاردکەم.