چپێنەڤێت هەلبژارتنا من کو ببمە چارەسەرکارا/راوێژکارا دەروونی نە یا بساناهی بوو، بەلێ هیڤییا من بوو کو من دڤییای و ئەز گەهشتیمێ. دپرۆسەیا دانا ڤێ بریارێ من تێبینی کر کو چەندین کەس هەبوون حەزدکرن داخوازا هاریکاریا دەروونی بکەن بەلێ گەلەک ژێدەرێن کێم هەبوون، دگەل هندێ کو هندەک جاران خێزان و/یان جڤاک رێگر بوون بۆ وان کو هاریکاریا درۆست وەرگرن ژبەر وان پێزانینێن کێم دەربارەی نەخۆشیێن دەروونی دوی دەمیدا هەبوون. دەرئەنجام ژڤی چەندێ، بۆ ئارمانجا من کو هندی دشییان دا بیت هاریکاریێ بەردەست بکەم بۆ کەسێن داخازا هاریکاریی دکەن و د ١١ سالان دا من ئارمانجا خۆ بدەستڤەئینا کو ئەز شیام پالپشتییا دەروونی بدەم و چارەسەریا پتر ژ ٥٠،٠٠٠ کەسان بکەم ژ رەگەز، نەتەوە، ژی و باکگرەوندێن جودا. بدەسڤەئینانا ڤێ ژمارێ ئەگەرێ پەیوەندیا من یا پرۆفێشۆنال و مۆکم بوو دگەل وان؛ کو لسەر بنەمایێن من یێن کەسایەتی و مرۆڤایەتی هاتبوو دانان وەک باوەریەکا کویر و بهێز، پاراستنا نهێنیا پێزانینێن وان، هاریکاریا وان کو هەست ب ئێمناهیێ بکەن... تا دوماهیێ. د سالێن کارکرنا من وەک چارەسەرکارا/راوێژکارا دەروونی، من دیت کو نۆکە ئارمانجا من یا هەرە سەرەکی ئەوە ئەز شارەزایی، زانین، و ژیریێن کارکرنا من دبوارێن دەروونیدا دەربازبکەم بۆ کەسێن حەزا هاریکاریێ هەین دا بشێین پێکڤە کار بکەین ژبۆ ساناهیکرن و بەردەستکرنا ژێدەرێن هاریکاریا دەروونی.