من دەست ب کاری کر وەک پزیشکێ دەروونی ل سالا ٢٠١١ ل ئیراقێ و ببەشداری دگەل  جەندین گرۆپ و کۆمان مە پتر ژ ٢٥٠،٠٠٠ کەسێن داخوازا هاریکاریێ دکەن ناڤبەرا ژیێن ٢ تا ١٠٠ سالی، چارەسەرکرن، هەلبژارتنا من بۆ ڤی بواری بۆ رۆژێن من وەک قۆتابی ل کۆلیژا بزیشکێ سالا ٢٠٠٤ دزڤریت، چۆنکە خەلکی پزیشکێ دەروونی و نەخۆشیێن دەروونی وەک شەرمزاری(ستیگما) و تشتەکێ نە ئاسای دیت و کێم مرۆڤان باوەریا خۆ ب چارەسەرییا دەروونی دئینا، هەروەسا هند هاندانا وان نەهاتبووکرن دا هاریکاریێ وەربگرن یان لێ بگەرن، دگەل هندێ کو وان بخۆ باوەری بهندێ نە دئینا کو وان نەخۆشیێن دەروونی هەین، ئەڤە ژبلی هندێ کو گەلەک کلینیک و پزیشکێن دەوونی هند نەبوون وی وەختی دا کو هاریکاریا پزیشکیی و چارەسەرییا دەروونی تەرخان بکەن. سەرەرای هندێ، برێکا بکائینانا رێکێن رێکخستی، لیگەریانا ڤەکۆلینێن باوەری پێکری و پێشکەفتی بۆ نەخۆشیێن دەروونی، و بکارئینانا تەکنیکێن پرۆفیشۆنال؛ ئەز شیام ببمە ئێک ژ فاکتەرێن هەڤپشک بۆ گهورینا تێگەهشتنا خەلکی بۆ پزیشکییا دەروونی. بۆ من؛ لدەمێ تۆ هاریکاریا پێشڤەبرنا کەسەکی دکەی، تۆ هەروەسا هاریکاریا پێشڤەبرنا خێزانەکێ دکەی، و لدەمێ هاریکاریا خیزانەکێ دکەی، تۆ یێ هاریکاری کو ببیە ئێک ژ ژێدەرێن کاریگەر بۆ پێشڤەبرن و دروستکرنا کۆمەلگەهەکێ پتر بەرهەمدار. چۆنکە هەر نەخۆشەک سەرهاتیەکە، و هەر سەرهاتیەک رێکەکە و کا ئەم چ بکاردئینین بۆ چارەسەرکرنا وان دڤێ رێکێدا هەکە دگەل وان بسەرکەفت، نیشانا هندێ یە کو ئەم لسەر رێکەکا درۆست دچین. هەکە دگەل وان بسەرنەکەفت؛ گەلەک رێکێن دی یێن هەین کو ئەم دشێین بکاربینین دا هاریکارییا وان بکەین. چۆنکە پشتبەستن ب ستایل و تەکنیکێن جودا و پێکڤە بکارئینانا وان پزیشکێ دەروونی ژتایێن دی یێن پزیشکی جودا دکەت. چارەسەرییا دەروونی باشتر کاردکەت لدەمێ پەیوەندییا مە دگەل نەخۆشی یا بهێز بیت، و ئەم دبوارەکیدا کاردکەین کو تێدا هاریکاری و پالپشتییا دەروونێ مرۆڤان دکەین دا پێشبێخین، ئەڤ چەندە ژی درۆلێخۆدا رامانا هندێ ددەت پەیوەندیێن مە لسەر بنەمایێن مرۆڤایەتی دئاڤاکرینە وەک باوەری، نهێنی، رازەمەندی… هتد. کو ئەرکێ ئێکەمین بۆ پزیشک و چارەسەرکارێ دەروونی مرۆڤایینی یە، ئەو ژی دا کو پشتگری و هاریکارییا پێتڤی بەردەست بکەین بۆ داخوازکەرێن هاریکاریێ،بدەستڤەئینانا زانین و پێزانینێن درۆست لسەر پێکهاتێ دەروونێ مە ئارمانجا منا سەرەکی یە. چۆنکە لدەمێ مە تێگەهشتنەکا درۆست هەبیت بۆ ئەو تشتێن ئەم تێدا دەرباز دبین، بارێن گێولی یێن جودا یێن ئەم تێدا دژین، و هەستێن مە یێن ئاڵۆز بەرامبەر هەر سەرهاتییەکێ و ئاریشەکێ، دێ زانین کا دێ چەوا وەگرین و دگەل کاربکەین، کو دێ مە پتر لسەر کەسایەکتیا خۆ شارەزا کەت و کا دێ چەوا خۆ بخۆ کەیفخۆش کەین، وەکی هۆنەرێ ڤەدیتنا خۆشیێ یە یێ کو ئەم هەول ددەین نیشا داخوازکەرێن هاریکاریێ بدەین.